Beschreibung

Ji ber ku barê wergerandina pirtûka ku min li girtîgehê nivîsand girtin ser xwe û wergerandin zimanê min ê zikmakî Kurdî, ji dil û can malavayiya Weþanxaneya Aramê û hevalê xwe yê wergêr Rêdûr Dîjle dikim.

Dil dixwest ku min bi zimanê xwe Kurmancî an jî Dimilkî binivîsandana. Lê belê wekî Kurdekî nesîbê xwe ji asîmlasiyona ku perçeyeke ji qirkirina çandî ya li ser gelê kurd e wergirtiye, mixabin ev yek ne pêkan bû. Lewma ev werger kêmasiyeke min a mezin temam dike û min rûmetyar dike.

Hîn jî baþ nikarim bi zimanê xwe yê zikmakî biaxivim. Di vî warî de helbet gelek kêmasiyên min jî hene. Lê ligel her tiþtî jî diviya ku min ji bo hînbûn û pêþvexistina zimanê me yê zikmakî, baþ hewl bidana. Hêvîdar im ku di vî warî de ciwanên Kurd min esas negirin.

Lê dîsa jî, wergera Kurdî ya pirtûkê ez pir kêfxweþ kirim. Wê dahata vê pirtûkê ji bo Weþanxaneya Aramê be û wê piþtgiriya wêjevanên ku bi Kurdî dinivîsin bê kirin. Eger we versyona Tirkî ya pirtûkê stendibe jî, lê ji bo destekirina wêjeya Kurdî teqez Kurdiya wê jî bistînin, bixwînin û bidin xwendin.

Careke din mala hemû kesên ku ked dane ava be.